Медицина қызметкерлері күні қарсаңында Астанада "Салидат Қайырбекова атындағы Ұлттық ғылыми денсаулық сақтауды дамыту орталығы" ШЖҚ РМК Басқарма төрағайымы Гүлнәр Құлқаеваның қатысуымен салтанатты іс-шара өтті
- Толығырақ
- Автор: Super User
С.Қайырбекова атындағы ҰҒДСДО білім беру бағдарламаларын сараптау жөніндегі сараптама ұйымы ретінде айқындалды
- Толығырақ
- Автор: Super User
ҚР Денсаулық сақтау министрлігінің бұйрығымен ҚР ДСМ «Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК денсаулық сақтау саласындағы қосымша білім берудің білім беру бағдарламаларына сараптама жүргізу үшін сараптамалық ұйым ретінде айқындалған. Орталық сонымен қатар Қосымша білім беру бағдарламалары каталогының ақпараттық жүйесін жүргізуге жауапты.
Денсаулық сақтау саласындағы қосымша білім берудің -білім беру бағдарламаларының (ҚБ ББ) каталог ақпараттық жүйесі -бұл барлық ҚБ ББ есепке алудың бірыңғай ақпараттық ортасын қалыптастыруға және өзектендіруге арналған автоматтандырылған ақпараттық платформа.
Бұл Каталог есепке алу-ақпараттық функцияны орындайды, ҚБ ББ дерекқорын енгізуді, сақтауды, іздеуді, жүргізуді автоматтандыруға, денсаулық сақтау саласындағы білім және ғылым ұйымдары іске асыратын ҚБ ББ туралы мүдделі тараптарды хабардар етуге мүмкіндік береді.
Каталогқа кіру жалпыға бірдей және шектеусіз тегін негізде жүзеге асырылады.
Денсаулық сақтау саласындағы білім және ғылым ұйымдары қажетті мәліметтерді Каталогқа енгізу және жариялау үшін өздері әзірлеген қосымша білім беру бағдарламасын қоса бере отырып, Каталогтың ақпараттық жүйесіндегі жеке кабинетте өтінім береді.
ҰҒДСДО Ережелеріне сәйкес Каталог әкімшісінің функцияларын орындайтын Сараптама ұйымы Каталогтың ақпараттық жүйесінде Денсаулық сақтау саласындағы білім және ғылым ұйымының жеке кабинетін құрады.
Каталогқа сараптама жасау және бағдарламаларды сертификаттау курстарын енгізу және біліктілікті арттыру үшін өтінімдер беру рәсіміне қатысты мәселелер бойынша ҰҒДСДО Білім және ғылымды дамыту департаментіне келесі телефондар арқылы жүгіну қажет:
Жұмыс тел.: +7 (7172)700950 (ішкі.1109), ұялы тел.: +7 (707)189-46-80
Есдәулет Самат Азаматұлы,
электрондық мекен-жайы:
ddmes.rcrz@mail.ru.
Астана қаласында ҚР Денсаулық сақтау министрлігінің Республикалық комиссиясының отырысы өтті
- Толығырақ
- Автор: Super User
Астана қаласында 2023-2024 оқу жылына арналған резидентурада медициналық кадрларды даярлауға мемлекеттік білім беру тапсырысын орналастыру бойынша ҚР Денсаулық сақтау министрлігінің Республикалық комиссиясының отырысы өтті. Биыл республикалық бюджет қаражаты есебінен резидентурада кадрлар даярлауға арналған орындар саны 2 500-ге дейін ұлғайды.
Бөлінген гранттар кадрларды даярлауды өңірлендіруді немесе ҰО ҒЗИ ЖОО облыстар мен Республикалық маңызы бар қалаларға, астанаға жас мамандарды кейіннен жұмысқа орналастыру үшін бекітуді ескере отырып, 49 клиникалық мамандық бойынша бөлінді.
Комиссия отырысының материалдарын дайындауды Салидат Қайырбекова атындағы Ұлттық ғылыми денсаулық сақтауды дамыту орталығы атынан Денсаулық сақтау саласындағы кадр ресурстары жөніндегі ұлттық үйлестіруші жүргізді. Орталық облыстардың, республикалық маңызы бар қалалардың және астананың денсаулық сақтау басқармаларынан кадрлар даярлауға арналған өтінімдерді (барлығы 2 559), білім және ғылым ұйымдарының қажеттілігін және конкурсқа қатысу үшін өтінім берген ҰО ҒЗИ ЖОО мүмкіндіктерін (барлығы 22 ұйым), сондай-ақ халықтың сырқаттану динамикасы, дәрігерлік персоналдың жас құрылымы туралы деректерді ( зейнеткерлік, зейнет алды жасын), мамандардың кетуін ескерді.
ҚР ДСМ Комиссиясының осы отырысының 24 мамырдағы хаттамасы алдағы күнтізбелік оқу жылына орта білімнен кейінгі, жоғары және жоғары оқу орнынан кейінгі медициналық және фармацевтикалық білімі бар мамандарды даярлауға мемлекеттік білім беру тапсырысын орналастыру туралы ҚР Денсаулық сақтау министрлігінің жыл сайынғы бұйрығын шығару үшін негізге алынды.
Клиникалық мамандықтар бөлінісінде қалыптастырылған резидентурада медициналық кадрларды даярлауға арналған мемлекеттік білім беру тапсырысы аккредиттеу органдарында мамандандырылған аккредиттеуден өткен меншік нысанына және ведомстволық бағыныстылығына қарамастан білім және ғылым ұйымдары арасында орналастырылатынын атап өтеміз. Мұндай грантты алған дәрігерлер резидентураның білім беру бағдарламасы аясында білім алады және медициналық ұйымда тәлімгердің қадағалауымен жұмыс істейді.
Қазақстанда денсаулық сақтауды дамытудың 2026 жылға дейінгі негізгі бағыттары туралы
- Толығырақ
- Автор: Super User
«Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК Басқарма төрайымы Гүлнар Құлқаева «Денсаулық сақтауды ұйымдастыру.Денсаулық сақтаудағы тиімді басқару» XI Халықаралық конгресінде (Мәскеу) сөйлеген сөзі аясында Қазақстанда денсаулық сақтауды дамытудың 2026 жылға дейінгі негізгі бағыттары туралы хабарлады.
Г. Құлқаева атап өткендей, республикада денсаулық сақтауды дамытудың 2026 жылға дейінгі негізгі 7 бағыты: салауатты өмір салтын қалыптастыру және жұқпалы емес аурулардың алдын алу, медициналық көмекті ұйымдастыруды жетілдіру, санитарлық-эпидемиологиялық салауаттылық пен биологиялық қауіпсіздікті қамтамасыз ету, кадрлардың біліктілігін арттыруды даярлау жүйесінің тиімділігін арттыру, дәрілік қамтамасыз етуді және фармацевтика өнеркәсібін дамыту, медициналық және фармацевтика, сондай-ақ медициналық ғылымды қаржыландыру болып табылады.
Бұл ретте «Салидат Қайырбекова атындағы ҰҒДСДО» ШЖҚ РМК Басқарма төрайымы Гүлнар Құлқаева бүгінгі таңда Қазақстанның денсаулық сақтау жүйесінің бағдарламалық құжаттары Денсаулық сақтау саласын дамытудың 2026 жылға дейінгі тұжырымдамасы, «Дені сау ұлт» ұлттық жобасы, сондай-ақ «Ауылдық денсаулық сақтауды жаңғырту» ұлттық жобасы болып табылады, деп хабарлады.
Мәселен, денсаулық сақтау инфрақұрылымын жетілдіру мақсатында тірек және спутниктік пункттерде 420 МСАК объектісін, 4 инсульт орталықтары мен коронарлық араласу орталықтарын салу және ашу, ауданаралық және аудандық ауруханаларды жаңғырту, шалғайдағы ауылдық жерлердің тұрғындары үшін медициналық ұйымдар базасында дәріхана пункттерін құру күтілуде.
Сондай-ақ онкологиялық қызметті жаңғырту, II деңгейдегі 8 инсульт орталығын және 4 ТКА орталығын ашу, тыныс алу медицинасын дамыту, туберкулезге қарсы қызметті жаңғырту жоспарлануда.
Бұдан басқа, «Ауылдық денсаулық сақтауды жаңғырту» ұлттық жобасы шеңберінде биыл жоспарланған 655 МСАК-тың 309 нысанын іске қосу, сондай-ақ 7 КААО жөндеу және қайта құру, 575 заманауи медициналық жабдықпен жарақтандыру, 300-ден астам медицина қызметкерін даярлау, 3,2 млн-ға жуық ауыл тұрғындарын кәсіби тексерулермен қамту, шалғайдағы ауылдардың 1,5 тұрғынын АМК қызметімен қамту күтілуде, МП және ФАП жабдықтарымен жарақтандыруды қайта қарау күтіледі.
«Салидат Қайырбекова атындағы ҰҒДСДО» ШЖҚ РМК Басқарма төрайымы Гүлнар Құлқаева Қазақстанның денсаулық сақтау саласындағы осы бағдарламаларды іске асыру нәтижесінде халықтың орташа өмір сүру ұзақтығы 2025 жылы 75 жасқа дейін ұлғаяды (2022 жылғы деректер бойынша ол 74,4 жылды құрайды), денсаулық сақтау жүйесін қаржыландыру елдің ЖІӨ-нің кемінде 5% - % құрайды, сондай-ақ қосымша 4 млн-нан астам ауыл тұрғыны мамандандырылған медициналық қамтамасыз етіледі деп күтілуде ал ауылдық денсаулық сақтау нысандары медициналық кадрлармен қамтамасыз етілді, деп хабарлады.
Сонымен қатар, Гүлнара Құлқаева ҚР Денсаулық сақтау министрлігі цифрландыру саласын дамытуға көп көңіл бөледі, деп атап өтті.
Бүгінгі таңда, республикада денсаулық сақтау жүйесін қаржыландыру 2 еседен астам өсті, медициналық көмектің қолжетімділігі артты, жаңа инновациялық технологиялар енгізілуде, нәтижесінде елдегі медициналық-демографиялық көрсеткіштер жақсаруда.
Айта кетейік, 22-26 қазанда Астана қаласында Алматы декларациясының 45 жылдығына және Астана декларациясының 5 жылдығына арналған МСАК бойынша Жаһандық конференция өткізу жоспарлануда.
Айта кетейік, «Денсаулық сақтауды ұйымдастыру. Денсаулық сақтауды тиімді басқару» (Мәскеу) XI халықаралық конгресінде Ресейдің Денсаулық сақтау министрлігінің қолдауымен денсаулық сақтауды ұйымдастыру мен басқарудың жоғары мектебі жүргізеді. Оған гибридті форматта Ресейдің барлық аймақтарынан және ТМД елдерінен 10 мыңнан астам қатысушы қатысады. Іс-шара бағдарламасына Шанхай Ынтымақтастық Ұйымы мемлекеттерінің денсаулық сақтау өкілдері арасында тәжірибе алмасуға арналған «Көпполярлы әлемнің денсаулық сақтауы: ортақ мақсаты бар нысандардың әртүрлілігі» сессиясы кіреді. Жалпы, Конгресс шеңберінде халықтың денсаулығын жақсартуға, медициналық көмек пен білім беруді басқаруға, ұйымдастыруға, ақпараттық технологияларды енгізуге, медициналық және фармацевтикалық өнеркәсіпті қамтамасыз етуші салаларды дамытуға қатысты маңызды мәселелер талқыланады.
Астанада медициналық мекемелерінің басшылары мен мамандары үшін біліктілікті арттыру курсы шеңберінде оқу өтті
- Толығырақ
- Автор: Super User
22-26 мамыр аралығында Астанада ҚР ДСМ Салидат Қайырбекова атындағы Ұлттық ғылыми денсаулық сақтауды дамыту орталығында Қазақстанның медициналық мекемелерінің басшылары мен мамандары үшін "Медициналық ұйымдарда пациенттерді қолдау және ішкі сараптама қызметтерінің жұмысын ұйымдастыру" тақырыбы бойынша біліктілікті арттыру курсы шеңберінде оқу өтті
Курс бағдарламасы осы қызметтердің өзекті мәселелерін қамтиды. Оқыту нәтижесінде тыңдаушылар көрсетілетін медициналық қызметтердің сапасын арттыру үшін пациенттерді қолдау қызметі мен ішкі сараптама қызметін ұйымдастырудың негізгі қағидаттары бойынша қолда бар құзыреттерді жетілдіріп, жаңа құзыреттерге ие болды.
ҚР ДСМ Салидат Қайырбекова атындағы Ұлттық ғылыми денсаулық сақтауды дамыту орталығы қоғамдық денсаулық сақтау саласында осы біліктілікті арттыру бағдарламасын әзірлеуші болып табылады және мұндай курстарды тұрақты негізде өткізуді жоспарлап отыр.
Медициналық ұйымдардың басшылары, сапа жөніндегі басшылардың орынбасарлары, пациенттерді қолдау қызметтерінің және медициналық ұйымдардың ішкі сараптамасы басшыларына осы тақырып бойынша оқудан өту өзекті болады.
Оқытуды қоғамдық денсаулық сақтау, HR-менеджмент және медициналық ұйымдардағы сапаны басқару саласындағы жетекші мамандар, медициналық ұйымдарды аккредиттеу және тәуекел-менеджмент, сондай-ақ денсаулық сақтау саласындағы медиация және коммуникация саласындағы мамандар жүргізеді.
Курс шеңберінде медициналық көмек көрсетуді және аккредиттеуді ұйымдастырудың заманауи стандарттары, ҚР өзекті нормативтік-құқықтық актілері, медициналық көмектің сапасын бағалаудың параметрлері мен индикаторлары талқыланады
Біліктілікті арттырудың осы қосымша кәсіби бағдарламасының өзектілігі елдің медициналық ұйымдарында сапаны басқаруды одан әрі жетілдіру қажеттілігімен негізделген.
Анықтама
«Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК ғылыми негізделген талдау, озық инновациялық технологияларды әзірлеу және енгізу, денсаулық сақтау саласының жұмыс істеуіне және халық денсаулығының жай-күйіне мониторинг жүйесін қамтамасыз ету, салалық ақпараттық жүйені дамыту және елдегі менеджмент институтын күшейту жөніндегі Қазақстандағы жетекші ұйым болып табылады.
Орталық өз жұмысы барысында мемлекеттік бағдарламаларды, жол карталарын, салалық жобаларды және түрлі нормативтік-құқықтық актілерді әзірлеуге және әдіснамалық тұрғыдан іске асыруға қатыса отырып, отандық денсаулық сақтау жүйесін дамытуға елеулі үлес қосты.
Орталық сондай-ақ Медициналық қызметтердің сапасы жөніндегі бірлескен комиссияның жұмыс органы, Формулярлық комиссияның жұмыс органы болып табылады, олардың жұмысын сараптамалық-талдамалық сүйемелдеуді қамтамасыз етеді, денсаулық сақтау саласындағы кадр ресурстары жөніндегі ұлттық үйлестіруші болып табылады.