Басқарма төрайымы өз сөзінде орталықтың еліміздің денсаулық сақтау саласын дамытудағы, оның ішінде мемлекеттік бағдарламаларды, денсаулық сақтауды дамыту тұжырымдамасын, денсаулық сақтау саласындағы нормативтік-құқықтық актілерді әзірлеу, сондай-ақ еліміздің медициналық ұйымдарына әдіснамалық көмек көрсету саласындағы үлкен рөлін атап өтті.
Гүлнара Құлқаева өз әріптестеріне республиканың денсаулық сақтау саласын дамытуға қосқан зор еңбегі мен зор үлесі үшін алғысын білдіріп, орталық қызметкерлеріне марапаттар мен алғыс хаттар табыс етті.
Осылайша, "Денсаулық сақтау ісінің үздігі" төсбелгісімен медициналық білім беру және денсаулық сақтау менеджментін дамыту басқармасының бастығы Отарғалиева Динара Жұмағазиқызы, "Денсаулық сақтау ісіне қосқан үлесі үшін" төсбелгісімен - Заң жұмысы, HR және іс жүргізу басқармасының бастығы Әбдікәрімова Құндыз Тілеубекқызы
марапатталды.
Сондай-ақ, Қазақстан Республикасы Денсаулық сақтау министрінің Құрмет грамоталарымен Ұлттық жобаны және стратегиялық бастамаларды сүйемелдеу кеңсесінің бас маманы Кулиев Рамиз Сахават-оглы, Дәрілік заттар мен медициналық бұйымдардың формулярлық жүйесін және кәсіби сараптамасын дамыту басқармасының бастығы Дастан Шаттық Мұхтарқызы марапатталды.
Өз кезегінде ҚР Денсаулық сақтау министрінің алғыс хаттарын Денсаулық сақтау саласындағы аккредиттеу департаментінің директоры Мәсімов Ақрамжан Бакримжанұлы, Денсаулық сақтау технологияларын бағалау және клиникалық хаттамаларды сараптамалық бағалау басқармасының бас маманы Ташпағамбетова Нүргүл Айнадиқызы алды.
Сонымен қатар, орталықтың тағы 3 қызметкерінің кәсіби үлесі ҚР Денсаулық сақтау вице-министрі В.Ю. Дудниктің алғыс хаттарымен марапатталды.
Мерекелік іс-шара соңында "Салидат Қайырбекова атындағы Ұлттық ғылыми денсаулық сақтауды дамыту орталығы" ШЖҚ РМК Басқарма төрайымы Гүлнара Құлқаева барлық қызметкерлерге өз жұмыстарына табыс, зор денсаулық және амандық тіледі.